BASES

Por algún motivo no se a completado la carga del separador, pincha el botón recargar para intentarlo de nuevo.

Recargar

MUMI - V ENCONTRO PROFESIONAL DE MÚSICA DE GALIZA E PORTUGAL

PRESENTACIÓN DE PROPOSTAS ARTÍSTICAS PARA PARTICIPAR NOS SHOWCASES
PERÍODO DE INSCRICIÓN: ata o 30 de abril de 2024

Poderán presentarse todas as bandas ou artistas de Galiza e Portugal que teñan un proxecto musical de carácter profesional, independentemente do tipo de formación ou estilo.
As propostas participantes serán escollidas por profesionais do sector, seguindo non só criterios de calidade, senón tamén de viabilidade dentro dos propósitos e características da feira.
A organización pactará as condicións económicas con cada banda/artista, dependendo do número de compoñentes.
A organización cubrirá unha noite de aloxamento para as bandas/artistas seleccionadas, se é preciso.
A organización garante o equipamento técnico necesario para a correcta realización da actuación.
A banda/artista deberá presentar as altas na Seguridade Social de todos e todas as músicas e técnicas.
A banda/artista deberá cumprir cos horarios e tempos que se indiquen desde a organización.
A banda/artista permitirá ao MUMi a realización de fotografías e gravación de vídeo, cedendo os dereitos deste material para uso unicamente promocional.

Poden participar nas actividades profesionais do MUMI as empresas de produción e management, axencias de booking, festivais, responsables de programacións musicais, profesionais da xestión cultural, persoal técnico dos departamentos de Cultura das diferentes institucións, xornalistas, e calquera persoa relacionada profesionalmente coa industria musical, para descubrir de primeira man novas propostas, establecer redes de contacto, compartir ideas e crear sinerxías sólidas.
A participación de profesionais é gratuíta e dá acceso a todos os showcases e espectáculos do evento, así como á zona profesional con actividades para a industria musical como speedmeetings, palestras, sesións informativas, etc.
As inscricións estarán abertas ata o 8 de setembro, unha semana antes da celebración do evento, para facilitar a posibilidade de axendar encontros con profesionais e artistas e de confirmar praza para asistir a todos os showcases, palestras e sesións de traballo.

O MUMi 2024 terá lugar os días 12, 13, 14 e 15 de setembro na Eurocidade Tui-Valença.